Sari Berria – Donostiako LAU HAIZETARA Koprodukzio Foroa 2026

Sheffield DocFest-ek sari bat emango dio irailan egingo den 2026ko LAU HAIZETARA Ko-Ekoizpen Foroan parte hartzen duen proiektu bati. Sari honek bi Full Industry Pass eta 2027ko ekainean ospatuko den Meet Market-eko parte-hartze-kuotaren salbuespen osoa barne hartuko ditu.

Sheffield DocFest Erresuma Batuko dokumentalen jaialdirik garrantzitsuena da, eta nazioartean eragin handiena duen merkatuetako bat proiektu dokumentaletarako.

Ekainero, Sheffield hirian, jaialdiak genero dokumentalaren aniztasuna bultzatzen eta aurkezten du formatu anitzetan: zinea, telebista, podcastak, esperientzia murgiltzaileak eta artea.

Gure aldetik, Sheffield DocFest 2027an aukeratutako proiektu bat Donostiako LAU HAIZETARA dokumentalen Koprodukzio Foroan parte hartzera gonbidatuko da. Talde irabazleak, tailer eta pitching saioetara, merkatu profesionalera eta one-to-one bileretarako sarbidea izango du. Gainera, besteak beste, pitch onenaren saria eskuratzeko lehiatuko da (5.000 €).